Сайёранинг энг бадавлат кишиларининг бешталик рўйхатидан ўрин олган Илон Маскнинг молиявий аҳволи 169,8 миллиард долларга баҳоланади. Гўзал манзарали жойдан, қимматбаҳо мебеллар билан жиҳозланган ҳашаматли уй сотиб олишга қурби етишига қарамай, у майдони 37 квадрат метрни ташкил қиладиган ихчам уйга жойлашишни афзал билган. Маск учун мазкур уй 50 минг долларга тушган — бу миллиардернинг Tesla компанияси автомобили нархидан арзонроқ.
Турар жой студия-хонадонни эсга солади. Ундаги катта хона меҳмонхона, ётоқхона, ошхона ва ваннага бўлинган. Boxabl стартапи томонидан тайёрланган уй конструктор тамойили асосида плиталардан ишланган: хоҳишга қараб уни қисмларга ажратиш, кейинроқ эса бир неча соатда қайта йиғиш мумкин.
Маскнинг уйи SpaceX компаниясининг Starship ракеталари ишлаб чиқариладиган ердан унча узоқ бўлмаган жойда, Техас штатининг Бока-Чика қишлоғида жойлашган.
Илоннинг ҳашаматдан воз кечиши ишга боши билан шўнғиш истаги билан боғлиқ бўлиши мумкин.
Миллиардернинг ўзи Twitter саҳифасида янги уйи унга жуда ҳам ажойиб туюлаётганини маълум қилган.
