Ёқимли таъмга эга малина сиропли шоколадли мусс тайёрланг

Ёзнинг жазирама иссиқ кунида муздек ширинликлар айни муддао. Ушбу десерт мазали бўлиши билан бирга салқинлик ҳам бахш этади.

Керакли маҳсулотлар:

• аччиқ шоколад – 200 грамм;
• сут – 100 мл;
• қаймоқ – 350 мл;
• малина – 350 грамм;
• шакар – 2 ош қошиқ;
• шакар упаси – 2 ош қошиқ;
• сув – 2 ош қошиқ.

Тайёрланиш жараёни:

Сут илитилади, лекин қайнатилмайди. Устидан шакар упаси қўшилиб, яхшилаб аралаштирилади.

Иссиқ сутга қора шоколад қўшилиб, эригунча аралаштирилади.

Қаймоқ кўпиртирилади. Устидан оз-оздан шоколад ва сутли аралашма қуйилади. Тайёр бўлган мусс музлаткичга 1 соатга қўйилади.

Идишда сув билан шакар қайнатилади. Шакар тўлиқ эриганидан сўнг малина қўшилади. 5-10 дақиқа давомида қайнатиб олинади.

Сузгич ёрдамида малина пюреси сузиб олинади. Сўнгра стаканга шоколадли мусс солинади, устидан малина сиропи қуйилиб, мусс юзаси таъбга кўра безатилади.

Ёқимли иштаҳа! Мавзуга доир:

• Тез ва осон: Атиги иккита маҳсулотдан тайёрланадиган пирог рецепти
• Тетиклантирувчи салқин ширинлик — қаҳвали гранит рецепти
• Қулупнайдан тайёрланадиган бир-биридан мазали ширинликлар рецепти
• Печнинг кераги йўқ: Банан ёрдамида мазаси ажойиб торт тайёрлаймиз