Ўзбекистонда ҳафта давомида, асосан, қуруқ ва жуда иссиқ об-ҳаво бўлиши давом этади, деб хабар бермоқда «Ўзгидромет».
Фақат республиканинг тоғолди ва тоғли ҳудудларида айрим кунларда, асосан, кечга яқин ва Тошкент вилоятида 1 июнда кечга томон конвектив булутлилик ривожланишида момақалдироқ билан қисқа муддатли ёмғир ёғиши мумкин.
Иш ҳафтаси давомида кўпгина вилоятларда ҳаво ҳарорати кечалари 22—25 даража илиқни, кундуз кунлари 37—39 даража иссиқни, жанубда ва чўл ҳудудларида 38—43 даража иссиқни ташкил этади.
Қайд этилишича, ҳароратнинг бундай юқори қийматлари абсолют максимум қийматларга яқинлашади, айрим туманларда ундан юқори бўлади.
«Ўзгидромет»нинг огоҳлантиришича, 31 май ва 1—2 июнда республика бўйича баъзи жойларда шамол тезлиги 17—22 метр/секундгача кучайиши мумкин.Мавзуга доир: Ёзнинг биринчи куни Тошкент шаҳри ва вилоятида ёмғир ёғиши кутилмоқда
