24 май куни соат 00:15 ларда Тошкентнинг Муқимий ва Бунёдкор кўчалари кесишмасида Epica автомобили иштирокида йўл-транспорт ҳодисаси содир бўлди, деб хабар беради пойтахт ИИББ ахборот хизмати.
Маълум қилинишича, авария вақтида ҳайдовчи спиртли ичимлик таъсирида бўлгани сабаб бошқарувни йўқотган ва автомобиль ағдарилиб кетган.
ЙТҲ оқибатида 32 ёшли ҳайдовчи, шунингдек, 31 ва 33 ёшли икки нафар йўловчи турли тан жароҳатлари билан шифохонага етказилган. Таъкидланишича, ЙТҲ жойида транспорт воситасини бошқариш ҳуқуқини берадиган ҳайдовчилик гувоҳномаси ва бошқа ҳужжатлар топилмаган.
Ҳолат юзасидан Тошкент шаҳар ИИББ Тергов бошқармаси томонидан терговга қадар текширув ўтказилмоқда.
Аввалроқ Тошкентда машина бошқариш ҳуқуқидан маҳрум қилинган Spark ҳайдовчиси пиёдани уриб юборгани, Оҳангаронда бир-бири билан тўқнашган «КамАЗ» ва Lacetti тўлиқ ёниб кетгани, Навоийда маст пиёдани машина уриб кетиши оқибатида жабрланувчи шифохонада вафот этгани тўғрисида хабар берилганди. Мавзуга доир:
