2021 йилнинг бошида энг кўп сотилган 10 та смартфон номи маълум бўлди. Уларнинг олтитаси iPhone моделлари

Counterpoint Research таҳлилий компанияси 2021 йилнинг январида дунё бўйлаб сотилган смартфонларга оид ҳисоботини тайёрлади. Рўйхатдаги энг машҳур 10 та смартфоннинг олтитаси iPhone, қолганлари у қадар қиммат бўлмаган Android моделлари, деб ёзади Hi-Tech.Mail.ru.

Энг талабгир смартфон сифатида 2020 йилнинг октябрида сотувга чиққан оддий iPhone 12 тан олинган. Янги линейкадаги қолган моделлар ҳам рўйхатга киритилган:

• iPhone 12 — улуши 6 фоиз;
• iPhone 12 Pro Max — 5 фоиз;
• iPhone 12 Pro — 4 фоиз;
• iPhone 11 — 2 фоиз;
• Xiaomi Redmi 9А — 2 фоиз;
• Xiaomi Redmi 9 — 2 фоиз;
• Samsung Galaxy А21S — 1 фоиз;
• iPhone 12 мини — 1 фоиз;
• Samsung Galaxy А31 — 1 фоиз;
• iPhone SЕ 2020 — 1 фоиз.

Янги линейкалар орасида энг ажралиб тургани iPhone 12 мини — у iPhone 12’нинг қолган моделларига нисбатан у қадар оммалашмаган. Смартфон ихчам корпусга эга 5,4 дюймли экранга эга бўлиб, ҳозирда кичкина смартфонларга бўлган талаб жуда паст. Аввалроқ AnTuTu бенчмарки март ойи якунлари бўйича ишлаш самарадорлиги энг юқори бўлган смартфонлар рейтингини тақдим этганди. 2021 йилда олдинги рўйхат кескин ўзгаришни бошлаган, чунки Snapdragon 865 процессори ўрнатилган олдинги авлод флагманлари ўрнига Snapdragon 888 ўрнатилган янги моделлар келмоқда.

Мавзуга доир: 5G алоқа тармоғида ишлайдиган энг тезкор смартфонлар номи маълум қилинди. iPhone 12 рақибларидан анча ортда қолмоқда