Кобулда Афғонистон ИИВ биноси ёнида портлаш юз берди

Афғонистоннинг Tolo News маҳаллий телеканли Кобулда мамлакат ички ишлар вазирлиги биноси ёнида портлаш юз берганини хабар қилди, деб ёзмоқда «РИА Новости».

Мавзуга доир: 

• Афғонистонда масжиддаги портлашлар натижасида 60 дан ортиқ одам ҳалок бўлди
• Афғонистонда автобус ёнидаги портлашда камида 10 киши ҳалок бўлди

Pajhwok агентлигининг хабарига кўра, портлаш оқибатида икки нафар одам ҳалок бўлган. Беш нафар фуқаро турли даражадаги тан жароҳатлари олган.

Мавзуга доир: Афғонистон шимоли-шарқида рўй берган портлаш оқибатида 9 нафар ўқувчи ҳалок бўлди

Афғонистон ички ишлар вазирлиги матбуот хизмати бошлиғи Кобулнинг 15-туманидаги Қосим кўчасида портлаш юз бергани ва ушбу ҳодиса оқибатида 7 нафар фуқаронинг ҳалок бўлгани, яна 7 нафар одам жароҳатланганини Facebook’даги аккаунтида тасдиқлаган.

Мамлакат ҳудудидаги жангарилар ИШИД ва «Толибон» ҳаракати вакиллари ҳодиса юзасидан масъулиятни ўз зиммасига олмаган. Аввал Афғонистон ички ишлар вазири вазифасини бажарувчи Масуд Андрабий мамлакат жанубида жойлашган Нангархар вилоятидаги полиция бошқармаси янги раҳбари таништирувида ИШИД жангарилари мағлубиятга учрагани ва Афғонистонда бутунлай тор-мор этилганини маълум қилганди.