Тошкент шаҳар ҳокимлиги «Менинг овозим» сайтини ишга туширди. Бу ҳақда Норма хабар берди.
Ушбу сайтда ҳар бир фуқаро ижтимоий масалаларда ўз нуқтаи назаридан фикрини билдиш имкониятига эга бўлади.
mo.tashkent.uz сайтида қуйидаги бир нечта бўлим мавжуд:
— «Овоз бериш» бўлимида ҳар бир тошкентлик шаҳарнинг ўзгариши учун овоз бериши, ўз фикрлари билан ўртоқлашиши ва ҳар бир берилган овоз учун балл олиши мумкин;
— «Шаҳар янгиликлари» бўлимида пойтахт ҳокимлиги томонидан амалга оширилган ишлар тўғрисида маълумот берилган;
— «Рағбатлантириш дўкони» бўлимида эса тўпланган балларни эсдалик совғалари, кийим-кечак, электрон асбоб-ускуна ва турли тадбир чипталарига алмаштириш мумкин;
— «Афиша» бўлимида режалаштирилган ва илгари ўтказилган тадбирлар ҳақида маълумотлар мавжуд;
— «Натижалар» бўлимида эса овоз бериш ва сўровлар натижалари, кўпчилик фуқаролар томонидан билдирилган фикрлар, тегишли масала юзасидан шаҳар ҳокимияти қабул қилган қарорлар эълон қилинади.
