Европада хавфсизлик ва ҳамкорлик ташкилотининг эркинлик масалалари бўйича вакили Арлем Дезир Ўзбекистон ва бошқа Марказий Осиё мамлакатлари ҳукуматларини ҳибсдаги журналистларни озод қилишга чақирди, деб ёзади «Газета.uz». Арлем Дезир 17—19 октябрь кунлари «Марказий Осиёда очиқ журналистика» XIX Марказий Осиё ОАВ конференциясида қатнашиш учун Тошкентга келган эди.
Давлат тузилмалари вакиллари билан учрашувларда Арлем Дезир «Дилмурод Сайид, Юсуф Рўзимуродов, Бобомурод Абдуллаев ва бошқа барча журналистлар»ни озод қилишга чақирди. «Бу имкони бор ва зарур бўлган иш», — деди ЕХҲТ вакили.
Конференцияда медиасоҳадаги мавжуд тенденциялар, рақамлаштириш ва мобил технологиялар тараққиёти шароитидаги қийинчиликлар, шунингдек, ОАВ эркинлиги ҳимояси каби масалалар кўриб чиқилди.
Тошкент ЕХҲТ вакили Олий Мажлис Қонунчилик палатаси вице-спикери Сарвар Отамуродов, Ахборот технологиялари ва коммуникацияларини ривожлантириш вазири вазифасини бажарувчи Шерзод Шерматов ҳамда парламент қуйи палатасининг Ахборот ва коммуникация технологиялари қўмитаси раиси Илҳом Абдуллаев билан икки томонлама учрашувлар ўтказди.
