ЮНКТАД ташкилотининг B2C (корхона − истеъмолчи) электрон савдоси бўйича янги индексида 130 мамлакат орасида Ўзбекистон 78-ўринни эгаллади, деб хабар бермоқда UzDaily.
Ҳисоботга кўра, 100 фоиз аҳоли ўз уйида почта жўнатмаларини қабул қилиш имкониятига эга. ЮНКТАД 2011 йил маълумотлари бўйича қайд этишича, Ўзбекистон аҳолисининг 3,4 фоизи кредит карталарига эга. Ўзбекистонда интернетдан фойдаланувчи аҳоли улуши 36,5 фоизни ташкил этиши, 1 миллион кишига 35,3 та хавфсиз сервер тўғри келиши маълум қилинган.
Рейтингда Люксембург, Норвегия ва Финландия дастлабки ўринларни эгаллаган. Ривожланаётган мамлакатлардан Жанубий Корея, Гонконг ва Сингапур етакчилар қаторига кирган. Харидларнинг умумий ҳажми бўйича эса аҳолиси кўп мамлакатлар, жумладан Хитой, Бразилия ва Россия етакчилик қилмоқда.
