Буюк Британиянинг Прескот шаҳрида яшовчи 38 ёшли Марк Энтони Кирби заҳарли ўргимчак чақиши оқибатида вафот этди. Бу ҳақда Liverpool Echо хабар берди.
Кирбининг 18 ёшли ўғли ва 17 ёшли қизи бўлган. Унинг собиқ севгилиси ва фарзандларининг онаси Кейли Гиллнинг сўзларига кўра, марҳум ўргимчак чақиб олганини айтган, бироқ шифокорга мурожаат қилмаган. Мурдани ёриб кўриб ҳам, ҳозирча ўлимнинг аниқ сабаби аниқланмаган.
Эркак ўргимчак чақишидан бир неча кун ўтиб, Кирби Гилл ва синглиси билан Шотландияга йўл олган. У сафар давомида ўзини ёмон ҳис қилаётганидан шикоят қилган. Бироқ ресторанлардан бирида кечки овқат чоғида ҳам ҳазил қилишда давом этган.
26 июль куни улар Прескотга қайтиб келган. Кейинги ҳафта давомида Кирбида гриппга ўхшаш аломатлар — юқори ҳарорат, совуб кетиш, қалтираш, қўл-оёқларда оғриқ кузатилган. 2 август куни у Гиллнинг қўшни уйда яшовчи синглиси Кетга қўнғироқ қилиб, нафас олишда қийналаётганини айтган. Кет тез ёрдам чақирган, аммо воқеа жойига етиб келган шифокорлар Кирбининг ҳаётини сақлаб қола олмаган.
Кейли Гиллнинг айтишича, Кирби ўлимидан икки-уч ҳафта олдин ўргимчакларни интернет орқали харид қилган. Марҳум сотиб олган ўргимчакларнинг тури хабарда келтирилмаган.
Изоҳ (0)