Ижтимоий тармоқларда Uzum Насия ва бир гуруҳ тадбиркорлар ўртасида муаммо келиб чиққан ҳақида хабарлар тарқалди. Истеъмолчиларнинг даъволари ва сотувчиларнинг мурожаати бўйича Uzum Насия таҳлили натижаларини эълон қилди.
“Uzum Насия”нинг асосий вазифаси фойдаланувчилар ва бизнес учун хавфсиз, самарали ва шаффоф молиявий воситаларни яратишдан иборат. Платформадан фойдаланиб, бутун мамлакат бўйлаб 5 мингдан ортиқ тадбиркор ўз бизнесини муваффақиятли ривожлантирмоқда. Истеъмолчиларнинг шикоятлари ва сотувчилар сўровларини кўриб чиқиш натижаларига кўра, биз содир бўлган блокировка ҳодисаларининг ички таҳлилини ўтказдик. Айрим ҳамкорларнинг такрорий текширувлари натижаларига кўра, яқин кунларда маблағ ўтказилади”, дея изоҳ берди “Uzum Насия” вакили.
- Қоидабузарликлар тасдиқланмаган ҳолатларда тадбиркорларга пул маблағлари тўлиқ қийматда қайтариб берилади ва платформадаги аккаунтдан фойдаланиш ҳуқуқи тикланади;
- Платформа қоидалари бир неча маротаба бузилган ҳолатларда Uzum Насия пул маблағларини қайтариб беради, лекин сотувчининг аккаунтини блокдан чиқармаслик ҳуқуқини ўзида сақлаб қолади.
Платформа қоидалари ва Ўзбекистон Республикаси қонунчилиги мунтазам равишда бузилган ҳолатларда пул маблағлари ва аккаунтлар блокдан чиқарилмайди.
Изоҳ (0)