Ўзбекистон ва Қирғизистон терма жамоалари ўртасидаги ўртоқлик учрашувини германиялик ҳакамлар гуруҳи бошқариб боради. Бу ҳақида ЎФА матбуот хизмати маълум қилди.
Фото: ДФБ
9 ноябрь, шанба куни «Пахтакор» стадионида бўлиб ўтадиган баҳсга ФИФА рефериси — Бастиан Данкерт бош ҳакам этиб тайинланди. Унга қанотларда ҳамюртлари Ян Зайдел ва Рене Роде ёрдам беради. Тўртинчи ҳакам вазифасини ўзбекистонлик Илгиз Танташев бажаради.
Таъкидланишича, Данкерт ЎФА ва Германия футбол иттифоқи ўртасидаги ўзаро ҳамкорлик доирасида таклиф этилган. Бастиан ЖЧ—2018 мусобақасида VAR тизими бўйича фаолият олиб борган.
Ўртоқлик учрашуви
9 ноябрь, 17:00
«Пахтакор» стадиони
Ўзбекистон — Қирғизистон
Бош ҳакам: Бастиан Данкерт (Германия)
Ёрдамчи ҳакамлар: Ян Зайдел (Германия), Рене Роде (Германия)
Захира ҳаками: Илгиз Танташев (Ўзбекистон)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
