18 ёшли Жейдон Санчо Бундеслигада сермаҳсуллик кўрсатмоқда

Дортмунднинг «Боруссия» клуби ҳужумчиси Жейдон Санчо футбол бўйича Бундеслиганинг 23-турида «Байер»га қарши кечган ўйинда битта гол уриб, битта голли пас берди (3:2).

18 ёшли англиялик футболчи жорий мавсум Германия чемпионатида 8 марта рақиб дарвозасини ишғол қилди ва 10 та голга ассистентлик қилди.

Санчо 2017 йилнинг ёзидан буён «Боруссия» сафида тўп суради. У Бундеслигада умумий ҳисобда 35 та учрашувда майдонга тушиб (23 тасида бошланғич таркибда), 8 та гол урди ва 14 та голли пас берди.

Англия терма жамоаси вингери жорий мавсумда Европанинг Топ-5 чемпионатида 10 та голли узатма берган 4-футболчи бўлди.

Аввалроқ ушбу натижага Эден Азар («Челси») ва Жошуа Киммих («Бавария») эришганди, Лионель Месси («Барселона») эса 11 та голли узатма берган.