Россия ва АҚШ президентлари Владимир Путин ва Дональд Трамп Париждаги Триумфал аркада Биринчи жаҳон уруши якунининг юз йиллигига бағишлаб уюштирилган маросимда иштирок этиб, ўзаро мулоқот чоғида G20 саммити доирасида учрашишга келишиб олди. Бу ҳақда Россия президентининг расмий вакили Дмитрий Песков баёнот берди, деб хабар қилади «Корреспондент.net».
G20 саммити Аргентина пойтахти Буэнос-Айресда бўлиб ўтади.
Олдинроқ Путиннинг ўзи ҳам Трамп билан учрашганини, Париждаги нонушта чоғида ўзаро фикр алмашганини айтиб ўтган эди.