Англия миллий терма жамоасининг собиқ футболчиси Пол Госкойн Лондон отелларидан бирида калтакланди ва шифокохонага етказилди. Бу ҳақда «Чемпионат» Daily Mail’га асосланиб хабар берди.
Манбанинг қайд этишича, Госкойн маст ҳолатда бўлган. Шу боисдан у жамоат тартибини бузган, ирқчилик мазмунидаги гаплар билан одамларнинг асабига теккан.
Отелга ташриф буюрувчилардан бири собиқ футболчи билан тортишиб қолди. Бу эса якунда муштлашувга айланиб кетди. Якунда Госкойн зинадан улоқтириб юборилди ва бош-мия жароҳати билан шифохонага етказилди.
Маълумот учун, Пол Госкойн ўз вақтида Премьер-Лиганинг «Ньюкасл», «Мидлсбро», «Эвертон», «Тоттенҳэм» клубларида тўп сурган. Римнинг «Лацио» ва Глазгонинг «Рейнжерс» клубларида ҳам ўйнаган.