Лондоннинг «Арсенал» футбол клуби мухлислари кетаётган йўловчи поезди 2 октябрь, якшанба куни Питерборо шаҳри яқинида сигирлар подасини уриб кетди. Бу ҳақда Mirror нашрига таяниб, «ТАСС» хабар бермоқда.
Хабарда қайд этилишича, ҳодиса оқибатида 11 жонзот ҳалок бўлди. Пода эгаси яна 15 сигирни топа олмаётани таъкидланмоқда.
Поезд йўловчиларидан ҳеч бири жабрланмаган.
«Арсенал» мухлислари клубнинг «Бёрнли»га қарши Англия чемпионати 7-тур сафар ўйинига йўл олаётганди. Ушбу ўйинда «тўпчилар» Лоран Косьельнининг сўнгги дақиқада киритган голи эвазига 1:0 ҳисобида зафар қучди.
Маълумот учун, «Арсенал» 16 очко билан турнир жадвалида учинчи ўринни эгаллаб турибди.
Изоҳ (0)