Forbes талқини бўйича 2015 йилнинг энг қизиқарли стартаплари, 2-қисм

Forbes бизнес-нашри талқинига кўра 2015 йилнинг энг шов-шувли стартаплари ҳақида гапириб беришда давом этамиз. Бошланиши — ўтган мақолада.

5. DoorDash

Инвесторлар томонидан берилган баҳоси: 600 миллион доллар

DoorDash — энг яқин ресторанлардан онлайн тарзда таом буюртма қилиш сервиси. Икки йиллик фаолияти давомида тезкорлик билан кўпаяётган контрагентлари (ўнг мингга етган) ва сифатли тарзда ишлаб чиқилган логистикаси шарофати билан, стартап «яккашохлар» (баҳоси 1 миллиард доллардан бошланадиган стартаплар) лигасига кириб олди. Сўнгги раундда компанияга Sequoia Capital  ва бошқа таниқли венчур фондлари 40 миллион доллар киритди.

6. Expensify

Инвесторлар томонидан берилган баҳоси: 147 миллион доллар

Expensify — корпоратив бюджет сарфланишини мониторинг қилиш сервиси. Дастур ёрдамида компания маблағларни ким, нимага ва қачон сарфлаётганини кузатиши ва пул оқимини самарали тарзда бошқариши мумкин. Стартапнинг мижозлари сони 16 мингга етган.

7. Uber

Инвесторлар томонидан берилган баҳоси: 64 миллиард доллар

Мобил дастур орқали такси чақириш бўйича стартап декабрда 2,1 миллиард долларлик навбатдаги инвестицияларни жалб қилди. Маблағлар компанияга глобал кенгайиш, маҳсулотлар етказиб бериш бўйича ўзаро боғланган сервисларни ривожлантириш, шунингдек, ҳайдовчисиз автомобиллар каби инновацион лойиҳалар устида ишлаш учун керак бўлади. Uber Осиёнинг кучли маҳаллий рақобатчилар бўлган истиқболли бозорлари (Хитой, Ҳиндистон, Сингапур) учун курашмоқда. Хитой бозорининг ўзигаёқ Америка компанияси 1 миллиард доллар киритишга тайёр.

Компания яратилганига беш йилдан ошди, шундан буён у 10 миллиард доллардан зиёд инвестицияларни жалб қилди. Uber бутун дунёнинг 80 дан ортиқ шаҳарларида даромад келтиради, бир йил ичида эса АҚШда Uber ёрдамида ҳаракатланишлар сони 250 фоизга ошди. Сервис даромади 10 миллиард доллардан ошади.

8. Theranos

Инвесторлар томонидан берилган баҳоси: 9 миллиард доллар

Элизабет Холмснинг компанияси қон таҳлилининг инновацион усулини ишлаб чиқиш билан шуғулланади, у чуқур ва тезкор тест ўтказиш учун бор-йўқи бир неча томчи қонни талаб қилади. Барча таҳлиллар учун қон шприцсиз олинади. Theranos’ни ҳозирда бутун соғлиқни сақлаш тизимини ўзгартириб юборишга қодир бўлган, йилнинг энг истиқболли тиббий стартапи деб аташмоқда.

Forbes маълумотлари асосида тайёрланди.

Лойиҳа «Дарё» ва StartupFactory.uz томонидан ишга туширилган.