Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Mart oyida ona bo‘lgan turk kinoyulduzi Neslihan Atagul turmush o‘rtog‘i va farzandining suratini stories’ga joyladi.
Qiziqchi Elmurod Haqnazarov ustozlari Otabek Muhammadzohid va Gulsanam Mamazoitova bilan tushgan arxiv suratini joylab, yillar farqini taqqosladi.
Jasur Umirov yangi klip ustida ishlamoqda. O‘zgachalikni yoqtiradigan xonanda bu safar klipida keksa otaxonlarni raqsga tushirtiryapti.
“Dizayn” kulgi jamoasi a’zosi Dilshodbek Musabekov tug‘ilgan kunini nishonlamoqda. Qiziqchining do‘sti Qobil Karimberdiyev jamoadoshiga sog‘lik tiladi.
Buxorolik xonanda Yulduz Turdiyeva bir kuni qanday o‘tishi haqida muxlislari uchun video tayyorladi. U Samarqanddagi to‘yga xizmatga borgani va tadbirni yakunlab uyga qaytganida, farzandlari kutib olganini ko‘rsatdi.
O‘z yo‘nalishiga ega xonanda Jahongir Otajonov turmush o‘rtog‘i bilan tushgan suratini sahifasiga joyladi.
Kinoaktyor Ulug‘bek Qodirov yangi suratini muxlislari bilan bo‘lishdi. Aktyor yaqin kunlarda qo‘shig‘ini premyera qilishni ham rejalashtirmoqda.
Nilufar Usmonova unga kim kuch va ilhom baxsh etishini aytdi.
“Qalpoq” hajviy ko‘rsatuvi aktyori Jo‘rabek Norqulov vafot etdi. Bu haqida Sohiba obrazi bilan tanish aktrisa Fotima Nazarova ma’lum qildi. Jo‘rabek Norqulov ushbu hajviy ko‘rsatuvda bir qator rollarni ijro etgan. Aktyorning o‘limi sababi ochiqlanmagan.
Yosh xonanda Elyor Meliboyev ota-onasiga so‘nggi rusumdagi avtomobil sovg‘a qildi. U ota-onasini rozi qilgan va qilmagan insonlar oxirat uchun harakat qilmasa ham bo‘laveradi, deydi posti izohida.
Vazira Yunusova oilasida judolik — aktrisaning turmush o‘rtog‘i vafot etdi. Aktrisa eri hayotlik paytida u haqida shunday degan edi: “Turmush o‘rtog‘im nihoyatda jiddiy inson. Turmush oson kechmaydi, sanʼatdan ketasan, degan gaplar ham bo‘lgan. Hamisha vaziyatni yumshatib, sanʼatda qolishim, hech bo‘lmasa teatrda ishlashimga ruxsat berishi uchun ko‘ndirardim. Xo‘jayinim har kuni ishdan kech, tungi 1-2 da qaytardi. Yog‘ingarchilik paytida shimining pochasi loy bo‘lardi. Uni yuvib, ertalab yettigacha yana quritib qo‘yishim kerak edi. Yuvilgan shimga qayta-qayta dazmol bosib arang quritardim. Undan keyin umumiy oshxonaga chiqib, ovqat qilardim. Chunki ovqat yoki uy-yumushlaridan kamchilik topsa, ishlashimga ruxsat bermay qo‘yishidan qo‘rqardim”.
Izoh (0)