Klublar o‘rtasidagi Jahon chempionati yakunlanganidan keyin “Real Madrid” prezidenti Florentino Peres va jamoa bosh murabbiyi Xabi Alonso o‘rtasida uchrashuv bo‘lib o‘tdi. Bu haqda Ispaniyaning Sport.es nashri xabar berdi.
Manbaga ko‘ra, uchrashuv davomida Peres jamoaning mundialdagi natijalaridan noroziligini bildirgan. Ayniqsa, markaziy tayanch zonasidagi o‘yin sifati ko‘pchilikning e’tiroziga sabab bo‘lgan.
Shu sababli, klub rahbariyati va murabbiylar shtabi o‘rtasida yangi tayanch yarim himoyachisi transferi borasida kelishmovchilik vujudga kelgan. Florentino Peres faqat “Manchester Siti” futbolchisi Rodri kabi yuqori darajadagi futbolchi uchun mablag‘ ajratishga tayyor. Ammo hozirgi sharoitda bunday katta transferni amalga oshirish oson emas.
Bosh murabbiy Xabi Alonso esa biroz boshqacha yondashuv tarafdori — u “Shtutgart”dan Anxelo Shtiller, “Inter”dan Nikolo Barella va Niderlandiyaning “AZ Alkmar” klubi a’zosi Kes Smit nomzodlarini ilgari surgan. Biroq Peres bu futbolchilarni “Real Madrid” darajasidagi o‘yinchilar deb hisoblamayapti.
Ayni paytda klub sport direktorlari va murabbiylar shtabi har ikki tomonning talablariga javob beradigan, jamoaning ehtiyojlariga mos keluvchi futbolchini izlashni davom ettirmoqda. Biroq bu masala hali ham ochiq qolmoqda.
