O‘zbekistonlik taniqli MMA jangchisi Nursulton Ro‘ziboyevga Checheniston rahbari Ramzan Qodirovga tegishli bo‘lgan “Axmat” jangovar klubi tomonidan yangi “Roewe M7 DMH” rusumidagi avtomobili sovg‘a qilindi.
Bu haqda sportchining o‘zi ijtimoiy tarmoqdagi sahifasi orqali ma’lum qildi:
“Yutsang unday qilaman, bunday qilaman deb va’da beradiganlar ko‘p, lekin jang natijasiga qaramasdan sovg‘a beradiganlar ham bor”, deydi Ro‘ziboyev.
Ma’lumot uchun, Nursulton Ro‘ziboyev professional faoliyati davomida (2015-yildan buyon) aynan “Axmat” klubi sharafini himoya qilib keladi. U 27-iyun kuni Baku shahri (Ozarbayjon) mezbonlik qilgan UFC Fight Night 280 turnirida rossiyalik Andrey Pulyayevga qarshi oktagonga ko‘tarilib, raqibini birinchi raunddayoq bog‘ish usuli evaziga taslim etgan edi.
