Tojikistonda bo‘lib o‘tgan CAFA U-20 Championship turnirida Jamoliddin Rahmatullayev boshchiligidagi O‘zbekiston U-20 terma jamoasi bosh sovrinni qo‘lga kiritdi.
“Oq bo‘rilar” musobaqa davomida barcha uchrashuvlarda g‘alaba qozonib, mutlaq ustunlik bilan turnir chempioniga aylandi. So‘nggi turda O‘zbekiston U-20 terma jamoasi Turkmaniston U-20 jamoasini 2:0 hisobida mag‘lub etdi.
Shu tariqa, O‘zbekiston turnirni 12 ochko bilan yakunladi. E’tiborlisi, jamoa musobaqa davomida birorta ham gol o‘tkazib yubormadi.
Turnir yakunlariga ko‘ra, O‘zbekiston U-20 terma jamoasi “Halol o‘yin” sovriniga ham sazovor bo‘ldi. Shuningdek, Nematulloh Rustamjonov musobaqaning eng yaxshi darvozaboni, Azizbek To‘lqinbekov eng yaxshi futbolchi, 4 ta gol kiritgan Quvonchbek Abrayev esa turnir to‘purari deb topildi.
