Xiva shahrining Ichan qalʼa majmuasida 27-aprel kuni III “Lazgi” xalqaro raqs festivalining ochilish marosimiga bagʻishlangan tantanali tadbir boʻlib oʻtdi.
Oʻzbekiston Respublikasi prezidenti Shavkat Mirziyoyevning festival ishtirokchilariga tabrigini Prezident administratsiyasi rahbari Saida Mirziyoyeva oʻqib eshittirdi.
Uch ming yildan ziyod shonli tarix va madaniyatga ega boʻlgan xalqimiz qalbini, uning nafis tuygʻularini hayratlanarli darajada nozik harakatlar orqali ifoda etadigan noyob sanʼat durdonasi – “Lazgi” nomi bilan ataladigan xalqaro raqs festivali turli elu elatlar oʻrtasida samarali madaniy muloqot maydoniga aylanib borayotgani barchamizni albatta xursand qiladi.
“Lazgi” ezgulik va goʻzallik, tinchlik va doʻstlik gʻoyalarini asrlar davomida tarannum etib kelayotgan, Xivaning muazzam minoralari kabi yuksaklik va ulugʻvorlik timsoli boʻlgan mumtoz musiqiy obidadir”, deyiladi prezident tabrigida.
Eslatib o‘tamiz, 26-29-aprel kunlari festival doirasida raqs tanlovi o‘tkazilib, unda xorijiy va mahalliy ishtirokchilar ijodiy bellashadi. Festival doirasida oʻtkaziladigan tanlov gʻoliblari Tashkiliy qoʻmita tomonidan diplom, statuetka va quyidagi miqdorda pul mukofotlari bilan taqdirlanadi:
Gran-pri — 7 000 AQSH dollari;
1-oʻrin quyidagi nominatsiyalar boʻyicha:
- “Eng yaxshi yakkaxon raqs ijrochisi” — 5 000 AQSH dollari;
- “Eng yaxshi raqs jamoasi” — 5 000 AQSH dollari;
- “Eng yaxshi sahnalashtirilgan raqs” — 5 000 AQSH dollari.
- “Eng yaxshi yakkaxon raqs ijrochisi” — 3 000 AQSH dollari;
- “Eng yaxshi raqs jamoasi” — 3 000 AQSH dollari;
- “Eng yaxshi sahnalashtirilgan raqs” — 3 000 AQSH dollari.
- “Eng yaxshi yakkaxon raqs ijrochisi” — 2 000 AQSH dollari;
- “Eng yaxshi raqs jamoasi” — 2 000 AQSH dollari;
- “Eng yaxshi sahnalashtirilgan raqs” — 2 000 AQSH dollari.
Shuningdek, festival doirasida faol ijrochilarni qoʻllab-quvvatlash va ragʻbatlantirish maqsadida taʼsis etilgan “Eng yaxshi raqs”, “Eng yaxshi xoreograf”, “Eng yaxshi yosh raqqosa (raqqos)” kabi nominatsiyalar boʻyicha ishtirokchilar ragʻbatlantiruvchi sovgʻa va mukofotlar bilan taqdirlanadi. Shu bilan birga, festivalning har bir ishtirokchisiga “Lazgi” xalqaro raqs festivali ishtirokchisi” sertifikati taqdim etiladi.
