Kiprda o‘tkazilayotgan shaxmat bo‘yicha 2026-yilgi Nomzodlar turniri o‘zbekistonlik grossmeyster Javohir Sindorov uchun muvaffaqiyatli davom etmoqda. Musobaqaning ikkinchi davrasini (8-tur) boshlab bergan bahsda Sindorov FIDE bayrog‘i ostida ishtirok etayotgan rossiyalik grossmeyster Andrey Yesipenko bilan durang o‘ynadi. Har ikki shaxmatchi 22-yurishdan so‘ng durangga rozi bo‘ldi. Ushbu natija evaziga Javohir 6,5 ochko bilan turnir jadvalidagi peshqadamligini saqlab qoldi.
O‘zbekistonlik shaxmatchilar orasida ilk bor Nomzodlar turnirida qatnashayotgan Javohir Sindorov musobaqani mag‘lubiyatsiz davom ettirmoqda. U ortda qolgan turlarda Andrey Yesipenko, Rameshbabu Pragnanandha, Fabiano Karuana, Hikaru Nakamura va Vey I kabi jahonning eng kuchli shaxmatchilari ustidan g‘alaba qozondi. O‘zbekistonning ikkinchi raqamli grossmeysteri Mattias Blubaum, Anish Giri va Andrey Yesipenko (ikkinchi o‘yin) bilan durangga imzo chekdi.
Eslatib o‘tamiz, 15-aprelga qadar davom etadigan ushbu turnir g‘olibi amaldagi jahon chempioni, hindistonlik Gukesh Dommarajuga qarshi shaxmat toji uchun kechadigan bahsda ishtirok etish huquqini qo‘lga kiritadi. 700 ming AQSH dollari miqdoridagi sovrin jamg‘armasiga ega musobaqa ikki davradan (14 ta tur) iborat.
