Turkiya Superligasi 11-turidan o‘rin olgan “Bashakshehir” hamda “Kojaelispor” jamoalari o‘rtasidagi bahs yakuniga yetdi. Istanbuldagi “Fotih Terim” stadionida kechgan bellashuvda maydon egalari 1:0 hisobida g‘alaba qozondi.
Uchrashuvdagi yagona gol 90+1-daqiqada Eldor Shomurodov tomonidan kiritildi. O‘zbekistonlik futbolchi hakam tomonidan belgilangan 11 metrlik jarima zarbasini aniq amalga oshirib, jamoasiga muhim 3 ochko taqdim etdi.
Mazkur natijadan keyin Nuri Shahin boshchiligidagi “Bashakshehir” jamoasi hisobidagi ochkolar soni 13 taga yetdi. Istanbul klubi hozirda Turkiya Superligasi turnir jadvalida 9-pog‘onani egallab turibdi. Mag‘lubiyatga uchragan “Kojaelispor” klubi esa 11 ochko bilan 11-o‘rindan joy olgan.
Eldor Shomurodov o‘yinni asosiy tarkibda boshlab, to‘liq harakat qildi. “Bashakshehir” safidagi ikkinchi O‘zbekiston terma jamoasi futbolchisi Abbosbek Fayzullayev esa jarohat sabab qaydnomaga kiritilmadi.
Turkiya Superligasi
11-tur
“Bashakshehir” — “Kojaelispor” 1:0
Gol: 1:0 — Eldor Shomurodov (penalti, 90+1)
