Ukraina prezidenti Vladimir Zelenskiy rossiyalik hamkasbi Vladimir Putin bilan Qozogʻistonda uchrashishga tayyorligini aytdi. Bu haqda siyosatchi FoxNews telekanaliga bergan intervyusida maʻlum qildi.
Zelenskiyning so‘zlariga ko‘ra, Ukraina uchrashuv maydonlari sifatida Turkiya, Saudiya Arabistoni, Qatar, neytral Yevropa davlatlari Avstriya va Shveysariyani taklif qilgan.
“Agar xohlasangiz, masalan, Qozog‘istonda”, degan Zelenskiy.
“Qozog‘istonga Ukrainaning suvereniteti va hududiy yaxlitligini qo‘llab-quvvatlagani uchun minnatdorchilik bildiraman”, degan Ukraina rahbari.
Putin uchrashuvni Moskvada o‘tkazishni taklif qilgandi, Zelenskiy Ukrainaga hujum qilayotgan mamlakat poytaxtiga bormasligini ta’kidlagan. Siyosatchi buning oʻrniga Kiyevda uchrashishni ilgari surgandi.
