Turk kinoijodkorlari har yili yangi seriallar bilan muxlislarni xursand qilmoqda. Biroq seriallarning ko‘p qismi muddatidan oldin to‘xtatiladi va ko‘plab tomoshabinlar bir xil syujetlardan norozi. Aynan shu sababli turdizi muxlislari tobora ko‘proq “eski” filmlarni qayta tomosha qilishni boshlaydi. Quyida kamdan-kam eslanadigan, ammo qiziqarli syujeti va aktyorlarning mahoratli ijrosi tufayli ko‘rishga arzigulik turk seriallarining kichik to‘plamini tayyorladik.
“Xavfli sevgi” (2009)
Amakivachchalar Najot va Zuljal bolalikdan birga katta bo‘lishadi. Muammo shundaki, Najot qizni balki sevib qolgan. Zuljal esa uning hislarini bilsa ham hazilga oladi, keyin esa uning do‘stiga turmushga chiqadi. Najot ota uyini tark etadi, ammo bir necha yildan so‘ng majburan qaytadi va Zuljolga bo‘lgan muhabbati hamon barhayot ekanligini anglaydi. Yosh ayolning o‘zi ham Najotni tez-tez eslay boshlaydi.
Bosh rollarda: O‘zjan Deniz, Vildan Atasever, Xotija Aslon va boshqalar.
“Ko‘zgudagi dushman” (2009)
O‘zining qora sirlarini yashirgan odam ko‘pincha qalbidagi qasosini hech kim bila olmasligiga ishonch hosil qiladi. Biroq dunyoda aynan shunday shaxslarni izlab topish va yo‘q qilish bilan shug‘ullanuvchi maxfiy tashkilot mavjud bo‘lsa-chi? Bu tashkilot a’zolari g‘ayrioddiy usullarni qo‘llaydi, jumladan, jinoyatchini tushda ko‘rishga imkon beradigan alohida ko‘rish qobiliyatidan foydalanadi.
Bosh rollarda: Shafak Sezer, Mine Tugay, Haluk Piyes va boshqalar.
“Tugallanmagan qo‘shiq” (2010-yil)
Ushbu serialda bosh qahramon rolini go‘zal Berguzar Korel mahorat bilan ijro etgan. Ferayening bolaligi hech qachon yengil va beg‘am kechmagan. Baxtga qarshi u 15 yoshidayoq ona bo‘ladi. O‘gay otasi esa bechorani shafqatsizlarcha ko‘chaga haydab, bolasini badavlat oilaga berib yuboradi. Yillar o‘tib Feraye tungi klubda qo‘shiqchi bo‘lib ishlaydi va farzandini tinmay qidiradi. Taqdir uni badavlat tadbirkor Yaman bilan uchrashtiradi va aynan shu tanishuv bosh qahramonning hayotini tubdan o‘zgartiradi.
Bosh rollarda: Berguzar Korel, Bulent Inal, Tunjer Salman va boshqalar.
“Samoviy ishq” (2010)
Yusuf — qo‘lida go‘dagi bilan beva qolgan erkak. Uning hayotiga bir-biriga mutlaqo o‘xshamagan ikkita opa-singil — Havvo va Toprak kirib keladi. Biri chaqalog‘ining o‘limidan aziyat cheka, ikkinchisi hayotda o‘z o‘rnini izlab, maqsadiga erishish yo‘lida hamma narsaga tayyor. Yusuf, Toprak va Havvoning uchrashuvlari ularning har biri uchun haqiqiy sinovga aylanadi, bosh qahramonlar qissasining yakuni esa tomoshabinda o‘chmas taassurot qoldiradi.
Bosh rollarda: Birje Akalay, Murot Yunalmish, Selen Soydar va boshqalar.
“Sevgi va jazo” (2010)
Yasminning hayoti, u yigitining xiyonatidan so‘ng ostin-ustin bo‘ladi. Ruhan ezilgan holda, u barga boradi va u yerda notanish odam bilan uchrashib, u bilan tunni o‘tkazadi, so‘ngra shunchaki qochib ketadi. U o‘zining bir lahzalik zaifligi uchun o‘zini ayblab, tez orada homilador ekanini bilib qoladi. Savash esa u bilan tunni o‘tkazgan qizning shunchaki qochib ketishini xayoliga ham keltirmagandi. Taqdir Savashga har kuni yangi kutilmagan voqealarni taqdim etadi, biroq u Yasminni hech qachon unutolmaydi va bir kuni taqdir ularni yana uchrashtirib qo‘yadi.
Bosh rollarda: Murat Yildirim, Nurgul Yeshilchay, Tomris Injer va boshqalar.
“20 daqiqa” (2013)
Melek va Ali baxtli juftlik edi. Biroq bir kuni uylariga politsiyachilar bostirib kelib, ayolni hibsga olishadi va Melek qamoqxonaga jo‘natiladi. Uning hech qanday aybi bo‘lmasa-da, hech kim ayolga quloq solmaydi. Ali adolatdan umid uzgach, xotinini o‘zi qutqarishga ahd qiladi va buning uchun har qanday ishga tayyor turadi.
Bosh rollarda: Ilker Aksum, Tuba Buyukustun, Firat Chelik va boshqalar.
