Kataloniyaning “Barselona” klubi vingeri Lamin Yamal kelajakdagi eng katta orzularidan birini ochiq aytdi. Futbolchi RMC Sport nashriga bergan intervyusida kelajakda ko‘plab “Oltin to‘p” yutishni istayotganini ma’lum qildi.
“Men bitta “Oltin to‘p” haqida orzu qilganim yo‘q. Men bir necha marta bu sovrinni qo‘lga kiritishni xohlayman. Buni barcha do‘stlarim biladi. Agar bunga erisha olmasam, demak, nimanidir noto‘g‘ri qilganman. Lekin agar uddalay olsam, mendan baxtliroq inson bo‘lmaydi”, dedi 18 yoshli futbolchi.
Ma’lumot uchun, Lamin Yamal joriy mavsum ham “Oltin to‘p” uchun asosiy da’vogarlardan biri bo‘lib turibdi. Biroq ko‘plab mutaxassislar Usmon Dembelening imkoniyatlarini yuqori baholamoqda. Yamal o‘tgan mavsum “Barselona” bilan Ispaniya chempionligi, mamlakat kubogi hamda Superkubogini qo‘lga kiritdi.
Lamin joriy mavsum Ispaniya La Ligasi doirasida uchta o‘yinda maydonga tushib, o‘z hisobiga ikki gol va ikki golli uzatma yozidirib qo‘ydi. Transfermarkt portali uning qiymatini 200 million yevroga baholamoqda.
