Ma’lumki, malika Diana 1997-yil 31-avgust kuni Parijda halok bo‘lgan. Rasmiy ma’lumotlarga ko‘ra, uning o‘limiga avtohalokat, ya’ni baxtsiz hodisa sabab bo‘lgan.
Sayksning so‘zlariga ko‘ra, rasmiy xulosa, ya’ni mast holatda Anri Polning avtomobilni boshqara olmay qolganligi haqiqatdan yiroq bo‘lishi mumkin. Eskpert bir qator shubhali holatlarga e’tibor qaratdi. Jumladan, Fiat Uno mashinasi bilan to‘qnashgan. Uning rulida fotograf Jeyms Endenson emas, balki maxsus xizmat agenti bo‘lgan, degan taxmin mavjud.
Diana o‘limining sababi, ehtimol, uning ba’zi yuqori lavozimlardagi shaxslarga tahdid solishi bo‘lgan. Chunki Malika so‘nggi yillarda kutilmagan qarorlar qabul qilgan, ko‘plab sirli ma’lumotlardan xabardor bo‘lgan va o‘z qarorlari bilan atrofidagilarni hayron qoldirgan.
Bu taxmin tadbirkor Muhammad Al-Fayidning da’volariga ham mos keladi. U Diana bilan birga avtomobilda bo‘lgan Dodi Al-Fayidning otasi hisoblanadi. Al-Fayid o‘sha paytda avtohalokatni Britaniya razvedkasi MI6 qirollik oilasi topshirig‘i bilan uyushtirganini aytgan edi.
Shunga qaramay, Buyuk Britaniya va Fransiya tergovlari malika Diananing o‘limi baxtsiz hodisa ekanini tasdiqlagan.
