Ikkinchi jahon urushi yakuniga bag‘ishlangan parad Pekin shahridagi Tyananmen maydonida bo‘lib o‘tadi.
“Tayvandan kelgan vatandoshlar G‘alaba kuni munosabati bilan Xitoyning keng ko‘lamli harbiy paradini tomosha qilishga taklif etiladi”, dedi Chju Fenlyan.
U “bo‘g‘ozning ikki tomonidagi odamlarni tarixni eslashga, shahidlar xotirasini hurmat qilishga, buyuk vatanparvarlik ruhini mustahkamlashga va milliy qayta birlashuvni birgalikda ilgari surishga” chaqirdi. Fenlyan g‘alabaning 80 yilligi munosabati bilan Xitoy bir qator xotira tadbirlarini o‘tkazishini aytdi.
Tayvan paradda qatnashgan aholisini jazolaydi
Tayvan kelasi hafta Pekinda bo‘lib o‘tadigan harbiy paradda qatnashmaslikka chaqirdi va buni amalga oshirgan mudofaa, razvedka yoki diplomatiya sohasidagi amaldagi yoki sobiq yuqori martabali amaldorlarga pensiya to‘lashni to‘xtatib turish kabi jazolar bilan tahdid qildi. Paradni Xitoy yetakchisi Si Szinpin bilan birga qator xorijiy davlatlar yetakchilari, jumladan, Rossiya prezidenti Putin kuzatib boradi.
