“Barselona”ning angliyalik futbolchisi Markus Reshford jamoasining chempionlik imkoniyati haqida fikr bildirdi. Uning aytishicha, kataloniyaliklar 2025/26-yilgi mavsum barcha musobaqalarda zafar quchishga tayyor. Bu haqda Mundo Deportivo nashri xabar bermoqda.
“Barselona” bu mavsumni sovrinsiz yakunlashi uchun hech qanday sabab ko‘rmayapman. Jamoada bunga erishish uchun poydevor bor. Agar ular o‘tgan mavsum trebl (uchta sovrin) qayd etishni uddalagan bo‘lsa, bu safar ham barcha musobaqalarda g‘alaba qozonish uchun yetarlicha imkoniyatimiz bor. Kayfiyat ham, motivatsiya ham yuqori, — deya Reshfordning so‘zlarini keltiradi Mundo Deportivo nashri.
Eslatib o‘tamiz, angliyalik futbolchi yozgi transfer oynasida “Manchester Yunayted”dan “Barselona”ga ijara asosida qo‘shilgan edi. U Ispaniya La Ligasining 1-turida zaxiradan maydonga tushib, o‘zining rasmiy debyutini o‘tkazdi.
Ma’lumot uchun, Reshford “Manchester Yunayted” tarbiyalanuvchisi hisoblanadi. U klub asosiy jamoasi safida 426 ta o‘yinda maydonga tushib, 138 ta gol va 78 ta golli uzatmaga mualliflik qilgan.
