“Manchester Yunayted” yozgi transfer oynasi vaqtida “Brayton”ning 21 yoshli kamerunlik tayanch yarim himoyachisi Karlos Balebani sotib olmaydigan. Bu haqda The Athletic nashri xabar berdi.
Manbaga ko‘ra, “Brayton” futbolchi uchun 115 million funt sterling (133,4 million yevro) talab qilgan. “Qizil iblislar” esa bu narxni haddan tashqari yuqori deb hisoblamoqda. Shunga qaramay, Balebaning “Manchester Yunayted”ga o‘tish ehtimoli hali ham saqlanib qolayotgani aytilmoqda.
Avvalroq, Balebaga Manchesterning yana bir klubi — “Siti” tomonidan ham qiziqish bildirilgani haqida xabarlar tarqalgandi. Ma’lumotlarga ko‘ra, bosh murabbiy Pep Gvardiola jarohat sabab uzoq muddat safdan chiqqan Rodri uchun munosib o‘rinbosar qidirmoqda. Baleba esa bu pozitsiya uchun eng yaxshi nomzodlardan biri sifatida qaralmoqda.
- O‘tgan mavsum Karlos Baleba “Brayton” safida jami 40 ta o‘yinda maydonga tushib, 4 ta gol va 2 ta golli uzatmaga mualliflik qilgan.
- Uning klub bilan shartnomasi 2028-yil yozigacha amal qiladi.
- Transfermarkt portali futbolchining qiymatini 40 million yevroga baholamoqda.
