UFC’ning ikki vazn toifasidagi sobiq chempioni — yarim yengil (66 kg) va yengil (70 kg) vazn toifalarida g‘olib bo‘lgan irlandiyalik Konor Makgregor professional sportga qaytish arafasida turibdi. Bu haqda Championat nashri xabar bermoqda.
Aralash jang san’ati (MMA) olamining eng mashhur sportchilaridan biri sanalgan Makgregor dopingga qarshi test topshirganini ma’lum qildi. U bu haqda o‘zining ijtimoiy tarmoqdagi sahifasida quyidagicha yozdi:
Qon analizini topshirdim. Shu sabab yelkamda plastir bor. Bundan juda xursandman. Hozir eng yaxshi sport formasidaman.
Mazkur izoh antidoping agentligi vakillari ishtirokidagi surat ostida e’lon qilingan. Bu holatdan kelib chiqib, Konor Makgregorning to‘rt yillik tanaffusdan so‘ng oktagonga qaytish ehtimoli sezilarli darajada oshgani aytilmoqda.
Hozirda Makgregorga 37 yosh to‘lgan. U so‘nggi jangini 2021-yil iyul oyida, UFC 264 turnirida o‘tkazgan edi. O‘sha jangda Makgregor amerikalik Dastin Poryega qarshi bahs olib borib, birinchi raunddayoq oyog‘idan og‘ir jarohat olib, texnik nokaut bilan mag‘lub bo‘lgandi. O‘sha vaqtda Porye yengil vazndagi vaqtinchalik chempionlik kamariga ega chiqqan.
Makgregorning professional faoliyati 28 ta jang o‘tkazib, shularning 22 martasida g‘alaba bo‘lsa, 6 bahsda mag‘lubiyatga uchragan.
