Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Ozarbayjonlik xonanda Roza Zergeli yangi suratini obunachilari bilan bo‘lishib, barchaga barakali hafta tilamoqda.
Aktyor Javohir Zokirov marhum otasi — O‘zbekistonda xizmat ko‘rsatgan artist Jamshid Zokirovning tavallud kunini xotirlab, agar hayot bo‘lganida, 77 yoshni qarshilagan bo‘lishini yozib qoldirdi. Ma’lumot uchun, aktyor 2012-yilning 7-aprelida vafot etgan.
Vaynerlar Dilbar va Umid Zokirovlar 20-iyul kuni ikkinchi marta ota-onalik baxtiga erishdi. Aktrisa Ra’no Zokirova esa yana buvijon bo‘ldi.
Boshlovchi, aktrisa Dilnoza Habibullayeva homiladorligi qanday kechayotgani haqida post qoldirdi. Uning yozishicha, aktrisa bu davr mobaynida umuman qiynalmagan va turmush o‘rtog‘ining ko‘magi unga kuch berib kelmoqda.
Munisa Rizayeva turmush o‘rtog‘i bilan tortishib qolgani va shundan so‘ng suratga olish maydonchasiga ketgani, birozdan keyin eri Arseniy katta guldasta bilan undan kechirim so‘rash uchun kelgani haqida gapirib berdi.
Yulduz Turdiyevaning amakivachchasi og‘ir kasallik tufayli vafot etdi. Xonanda bu xabarni xalq xizmatida eshitganini yozdi. U obunachilaridan opasining haqiga duo qilishlarini so‘radi.
“Sahar” guruhi yakkaxoni Anvar Jo‘rayev megayulduz Jennifer Lopes bilan uchrashib qoldi va u bilan tushgan suratini postga joyladi.
Instabloger Maryam Tillayevaning sevgilisi uning qo‘lini so‘radi. Maryam roziligi aks etgan foto va videolarni obunachilari bilan bo‘lishib, bo‘lajak kuyov undan 3 yosh kichik ekanini aytdi. Sening yoningda men katta ayol emasman, kichik qizaloqqa aylanaman, degan u.
