AQSHning Luiziana shtati, Nyu-Orlean shahrida joylashgan Smoothie King Center majmuasida MMA bo‘yicha UFC 318 turniri bo‘lib o‘tdi.
Musobaqaning markaziy jangi yengil vazn toifasida BMF kamari sohibi, Gavayi orollari vakili Hollouey hamda ushbu vazn toifasida vaqtinchalik kamarning sobiq egasi Dastin Porye o‘rtasida kechdi.
5 raund etib belgilangan titul jangi to‘liq davom etdi. Hakamlarning yakdil qarori bilan Hollouey g‘alaba qozondi. Qayd etish joiz, Maks raqibini birinchi raqibini nokdaun holatiga tushirishga ulgurdi.
Bu Dastin uchun faoliyatidagi nafaqat so‘nggi jang, balki trilogiyaning finali bo‘ldi. MMA jangchisi rasmiy ravishda faoliyatini yakunlashini e’lon qildi. Oldingi ikki jangda g‘alaba Dastinga nasib etgan: 2012-yilda Holloueyni nokaut bilan mag‘lubiyatga uchratgan, 2019-yilda esa hakamlarning yakdil qarori bilan g‘alaba qozongan. So‘nggi jangda Maks esa revansh olishni uddaladi. Bundan tashqari, jangda BMF chempionlik kamarini ham qo‘lga kiritdi.
