Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Turk yulduzi Burak O‘zchivit yangi suratini stories’da obunachilari bilan bo‘lishdi.
Xonanda Lola Ahmedova o‘g‘li bilan dam olish uchun chet elga otlandi. U kuzatuvchilaridan oq yo‘l tilashlarini so‘radi.
Xonanda Afruza qaynonasining tug‘ilgan kuniga so‘nggi rusumdagi iPhone sovg‘a qildi. Turmush o‘rtog‘i Behruz Ahmedov va qaynotasi Botir Muhammadjonov ham xonadon bekasini gullar bilan xursand qildi.
Xonanda Alisher Fayz Londondagi sayohati davomida o‘tgan kunlarni ham eslab turish kerakligi haqida fikr yurityapti.
Xonanda Shahzoda o‘g‘li Xalidning kompyuter qarshisida o‘tirgan suratini tez-tez joylaydi. Bundan Xalidning kompyuter o‘yinlariga qiziqishini bilish qiyin emas.
Aktrisa Ra’no Shodiyeva Deepal rusumli yangi avtomobil xarid qildi. U bu xursandchiligini obunachilari va muxlislariga ham e’lon qildi. Aktrisa avvalroq bergan intervyusida mashinasini o‘zgartirish orzusi borligini, lekin bu o‘z vaqt-soati bilan bo‘lishini aytdi.
Teleboshlovchi Samandar Hamroqulov hamkasblari Husnora Shodiyeva, Ra’no Alimova davrasidagi arxiv suratni obunachilari bilan ulashdi.
Kichik instabloger Yasmin Zoitova 4 yoshga to‘ldi. Shu munosabat bilan ota-onasi qizaloq uchun ertaknamo tug‘ilgan kun tashkillashtirdi. Kechaga mashhur bloger bolalar va ularning ota-onasi, shuningdek, Shahzoda Muhammedova qiziq Milana va o‘g‘li bilan tashrif buyurdi. Yasmin tug‘ilgan kunida Disney malikalari obrazidagi liboslar kiydi.
Aziz Rametovning rafiqasi oilaviy tushgan suratini stories’ga joylab, yaxshi turmush o‘rtog‘i borligiga shukr qilmoqda.
