Yulduz onalar bir vaqtning o‘zida ikki xil rolni o‘ynashga ko‘nikkan. Tomoshabinlar uchun film qahramoni bo‘lishi, oila a’zolari uchun esa o‘zlari bo‘lishi kerak. Filmda suratga tushish jarayonida homiladorligini oxirigacha yashirgan mashhurlar haqida so‘z yuritamiz.
Skarlett Yoxansson
“Qasoskorlar: Altron davri” filmini suratga olish paytida Qora bevani gavdalantirgan Skarlett Yoxansson homilador bo‘lgan. Shunday bo‘lsa-da, aktrisa tryuklarni bajarishdan voz kechmagan va hatto motosiklni o‘zi boshqargan.
“Homiladorlikning katta muddatida motosikl haydash mumkin emas, deb o‘ylayman, lekin men buni qildim. Motosikldagi barcha tryuklarni o‘zim bajardim”, deydi Yoxansson.
Bleyk Layvli
Bleyk Layvli birinchi marta “Adalin asri” filmida homilador holda suratga tushgan. O‘shanda hech qanday muammo yuzaga kelmagan, chunki Bleyk keng kiyim kiygan edi. Biroq “Sayozlik” filmini suratga olishda u deyarli butun vaqtini cho‘milish kiyimida o‘tkazib, qornini goh tosh orqasiga, goh serfing taxtasi ortiga yashirishga majbur bo‘ladi.
Gal Gadot
“Mo‘jizakor ayol” filmini suratga olish jarayonlarida aktrisa qizini yuragining ostida olib yurgan. Qizig‘i shundaki, hamkasblari bu haqda faqat Gal xavfli sahnalarda suratga tushishni to‘xtatgandan keyingina bilishgan.
“U filmning bir qismida homilador holda, boshqa qismida esa qattiq sovuqda maxsus kiyimda suratga tushdi. Undan nimalarni talab qilmadik. Har kuni sinovlar seriyasi bo‘lardi va u hammasiga rozi edi, deya xotirlaydi rejissyor Petti Jenkins.
Dryu Berrimor
Avval uzoq muddatli suratga olish uchun shartnoma imzolanadi, keyin esa homiladorligini bilib qoladi. Bu haqda aktrisa Dryu Berrimor yaxshi biladi. U “Aralashganlar” filmida rol o‘ynayotganida aynan shunday vaziyatga tushgan. Ammo rolining uddasidan chiqqan.
Penelopa Kruz
Aktrisaning o‘g‘liga homilador paytida “Karib dengizi qaroqchilari: noma’lum qirg‘oqlarda” filmida qatnashishga rozi bo‘lgani ajablanarli emas. Biroq suratga olish jarayonida uning xavfsizligiga hech qanday tahdid yo‘q edi.
“Ular chindan ham menga g‘amxo‘rlik qilishdi va to‘liq xavfsizligimni ta’minlash uchun barcha zarur choralarni ko‘rishdi”, deydi Penelopa hamkasblarining e’tibori haqida.
