Germaniyalik futbolchi Florian Virts hafta oxirida “Liverpul”da tibbiy ko‘rikdan o‘tadi. Bu haqda Sky Sports xabar berdi.
Maʼlum qilinishicha, futbolchi taʼtili yakunlangach Buyuk Britaniyaga uchib ketadi.
“Liverpul” Virts uchun 100 mln funt sterling to‘lov qiladi. Shuningdek, yana 16,5 mln funt bonuslar sifatida to‘lab beriladi.
Florianning maoshi bonuslarga qarab yiliga 10,2 dan 12,7 mln funtgacha bo‘ladi.
Maʼlumot uchun, o‘tgan mavsumda Virts “Bayer” safida Bundesligada 31 ta o‘yinda 10 gol urdi va 12 ta golli uzatma muallifi bo‘ldi.
