Germaniyalik murabbiy Xans-Diter Flik “Barselona” bilan kelishuvni uzaytirdi. Bu haqda klub matbuot xizmati xabar berdi.
Maʼlum qilinishicha, Flikning Kataloniya klubi bilan yangi shartnomasi 2027-yilgacha mo‘ljallangan.
Germaniyalik mutaxassis “ko‘k-anorranglilar”ni 2024-yil yozidan buyon boshqarib kelmoqda.
Maʼlumot uchun, Flik joriy mavsumda uchta sovrinni qo‘lga kiritdi. Bular – La Liga, Ispaniya Kubogi va Ispaniya Superkubogi.
