Har bir insonning sevimli mashg‘ulotlari bor va Gollivud yulduzlari ham bu borada boshqalardan farq qilmaydi. Ish va musiqiy kechalardan bo‘sh vaqtlarida mashhur aktyor va aktrisalar g‘ayrioddiy narsalar bilan shug‘ullanishadi deb o‘ylashingiz mumkin, ammo unday emas, ularning ko‘pchiligi xuddi siz kabi oddiy narsalarga qiziqishadi.
Leonardo Di Kaprio
Leo bolaligidan “Yulduzlar jangi”ga muxlislik qiladi. U uzoq galaktika haqidagi hech bir ekran loyihasini o‘tkazib yubormaydi va ushbu film bilan bog‘liq ko‘plab kolleksion buyumlarni to‘plagan. Pandemiya paytida aktyor hatto do‘sti va hamkasbi Jona Hillni “Mandaloriyalik” serialini ko‘rishga o‘rgatib qo‘ygan. Faqat g‘alati tomoni shundaki, Di Kaprio “Yulduzlar jangi”ga shunchalik muxlislik qilsa-da, hali ham bu olamga bog‘liq film yoki serialda rol o‘ynamagan.
Rosario Douson
“Yulduzlar jangi”da Asoka Tano rolini ijro etgan aktrisa esa “Samoviy yo‘l” seriallari bilan bog‘liq barcha narsalarga muxlislik qiladi. Aktrisa ushbu olamga bag‘ishlangan konferensiyalar va muxlislar uchrashuvlariga tashrif buyuradi va oddiy odamlar kabi “Startrek” yulduzlarining imzolarini olish uchun navbatda turadi.
Megan Foks
Ehtimol, bunday gapirish yaxshi emas, lekin baʼzan Megan Foksga qarab shubha tug‘iladi: u hech bo‘lmasa o‘qishni bilarmikan? Biladiganga o‘xshaydi! “Transformerlar” yulduzi o‘zini “Uzuklar hukmdori”ning sodiq muxlisi deb ataydi va franchayzingga bag‘ishlangan tadbirlarda faol ishtirok etadi.
Kventin Tarantino
Kventinga (va uning filmlariga) qarab uning sevimli mashg‘uloti juda g‘ayrioddiy va qandaydir tarzda oyoq barmoqlari bilan bog‘liq bo‘lishi kerak deb o‘ylash mumkin. Ammo yo‘q! Mashhur rejissyor va ssenarist jimgina va kamtarona holda stol o‘yinlarini yaxshi ko‘radi va ularning katta to‘plamiga ega.
Vin Dizel
Vin ham ashaddiy o‘yinchilardan biri. Lekin aktyor turli xil monopoliyalar yoki shaxmat o‘ynashni emas, balki “Zindonlar va ajdarlar”ni yaxshi ko‘radi. Bahslashamiz, uning qahramonining ismi “Men Grutim!”
Daniel Kreyg
Sobiq Jeyms Bond rolini ijro etgan aktyor — Halo muxlisidir. Yulduz fantastik jangari janrdagi boshqa ko‘plab o‘yinlarni ham yoqtirishini aytadi. Va bir marta undan birorta jangari video o‘yinning ekranlashtirilishida rol o‘ynashni xohlaydimi, deb so‘rashganda, Daniel “taklif qilishsa, albatta” deb javob berdi.
Mila Kunis
Mila ham kompyuter o‘yinlarining katta muxlisidir. World of Warcraft — uning sevimli o‘yinlaridan biri. Aktrisa eri Eshton Kutcher uning sevimli mashg‘uloti bilan qiziqmasligini va hatto uning ustidan kulishini tan oladi. Kunis va Kutcher ikki farzandiga video o‘yinlarda uzoq vaqt o‘ynashga ruxsat bermaydilar, chunki ular o‘z farzandlari virtual dunyo emas, balki haqiqiy dunyoga qiziqishini xohlashadi.
Jenifer Garner
Hamma ham Jeniferni isteʼdodli deb hisoblamaydi, lekin uni yaxshi aktrisa deb hisoblaydiganlar uning ko‘p qirrali ekanligiga quvonishlari mumkin. Marvel kino olamidagi yulduz saksafonda aʼlo darajada chaladi va buni o‘zining asosiy sevimli mashg‘uloti deb ataydi.
Tom Henks
Ikki karra “Oskar” mukofoti sohibi keng ko‘lamli yozuv mashinalari to‘plamiga ega, ular orasida noyob namunalar ham bor. Shu bilan birga, aktyor o‘zining noyob buyumlarini shunchaki tomosha qilib o‘tirmaydi, balki ularning baʼzilarini to‘g‘ridan to‘g‘ri ishlatadi. Tom eski usulda o‘zi yaratgan hikoyalarni mashinada yozadi va bu uning yana bir sevimli mashg‘uloti. 2017-yilda Henksning asarlari alohida kitob sifatida nashr etilgan.
Nik Offerman
Mashhur “Parklar va dam olish zonalari” komediya serialida Nik unutilmas Ron Svanson rolini ijro etgan. U o‘ziga tayanadigan va ko‘p narsalarni o‘z qo‘li bilan qiladigan, shu jumladan yog‘och o‘ymakorligi bilan shug‘ullanadigan odam bo‘lgan. Aktyor, o‘zining qahramoni singari, yog‘och bilan ishlashni yaxshi ko‘radi, bu mashg‘ulotda u o‘z hotirjamligini topgan.
Devid Arket
Devidning sevimli mashg‘uloti — to‘qish. U turli xil narsalarni to‘qishdan zavqlanadi va ularni yaqinlariga sovg‘a qiladi. Aktyor o‘zining katta qizi Kokoni ham halqalar va naqshlar dunyosiga jalb qilishga harakat qilganini aytdi, lekin u qatʼiy ravishda rad etdi.
Liam Nison
Jangari janrning eng zo‘r qahramonlaridan biri (shuningdek, ko‘pchilik unutib qo‘yadigan ajoyib dramatik aktyor) bo‘sh vaqtlarida uchib bilan baliq ovlashni yaxshi ko‘radi. Liam uchib bilan baliq ovlash oddiy qirg‘oqda o‘tirib va baliq tutuvchi tayoq bilan baliq ovlashdan ko‘ra qiziqarli va hayajonli ekanligini aytadi.
Syuzen Sarandon
“Oskar” mukofoti sohibi stol tennisi o‘ynashni juda yaxshi ko‘radi. U hatto stol tennisi klubining hammuassisi hisoblanadi. Syuzen bu o‘yin juda jonlantiruvchi va ortiqcha vazndan xalos bo‘lishga yordam berishini taʼkidlaydi. Yulduz bir necha bor o‘zining sevimli mashg‘ulotiga do‘stlari Gina Devis va Jessika Lengni jalb qilishga harakat qilgan, lekin ular kamfaol mashg‘ulotlarni afzal ko‘rishgan.
Lesli Mann
Lesli bolaligidan velosipedda uchishni yaxshi ko‘radi, ammo ancha vaqtdan beri ikki g‘ildirakli velosipeddan bir g‘ildirakli velosipedni afzal ko‘radi. Aktrisa baʼzilar uchun bir g‘ildirakli velosipedda yurish biroz g‘alati ko‘rinishi mumkinligini tushunadi. “Ammo bu o‘ziga xos va qiziqarli!”, — deb hayqiradi u.
Sheylin Vudli
Sheylin, ko‘pchilik singari, pazandalikni juda yaxshi ko‘radi. U oddiy salatlar yoki sho‘rvalarni emas, balki pishloq va dori-darmonlarni tayyorlaydi. “Men shunchaki farmasevtika korporatsiyalariga unchalik ishonmayman va davolanish uchun o‘zimga to‘liq ishonch hosil qilgan narsalarni qabul qilishga harakat qilaman”, — deb tushuntiradi yulduz.
Peris Xilton
Perisning sevimli mashg‘uloti haqiqatan ham g‘ayrioddiy va juda kam uchraydi: u qurbaqalarni ovlashni yaxshi ko‘radi. Biroq, u o‘zi tutgan barcha qurbaqalarni ozod qilganini taʼkidlaydi.
