2027-yildan boshlab “Oskar” kino mukofoti eng yaxshi tryuklar postanovkasi uchun ham beriladi. Bu haqda Amerika kino sanʼati akademiyasi maʼlumot berdi. U yerda aytilishicha, yangi nominatsiyada haykalcha olish uchun ishtirok etish va ovoz berish qoidalari 2027-yilda eʼlon qilinadi. Bungacha kaskadyorlar marosimlar doirasida maxsus mukofotlarga ega bo‘lishgan.
3-mart kuni kinematografiya sohasida erishgan yutuqlari uchun 97-“Oskar” mukofotini topshirish marosimi bo‘lib o‘tdi. Rejissyor Shon Beyker “Anora” filmi uchun “Eng yaxshi film” va “Eng yaxshi rejissyor” nominatsiyalarida “Oskar” mukofotiga sazovor bo‘ldi. Filmda Mark Eydelshteyn, Yura Borisov, Aleksey Serebryakov va aktrisa Darya Ekamova kabi rus aktyorlari ishtirok etgan.
Filmda bosh rolni “Eng yaxshi ayol roli” uchun “Oskar” mukofotiga sazovor bo‘lgan Mayki Medison ijro etgan. Bundan tashqari, “Anora” “Eng yaxshi montaj” va “Eng yaxshi original ssenariy” nominatsiyalarida ham haykalchalarni qo‘lga kiritdi.
