Saudiya Arabistoni maydonlarida o‘tayotgan U-17 Osiyo chempionatida 2-tur bahslari yakuniga yetdi. O‘zbekiston o‘smirlar terma jamoasi ketma-ket ikki turda ham g‘alaba qozonib, muddatidan avval Jahon chempionati yo‘llanmasiga ega chiqdi.
Islom Ismoilov boshchiligidagi jamoa 1-turda Tailandni 4:1, 2-turda Xitoyni 2:1 hisobida mag‘lubiyatga uchratib, 6 ochko bilan guruhda 1-o‘rinni egallab turibdi. 6-aprel, yakshanba kuni guruhning ikkinchi bahsida mezbon Saudiya Tailandni 3:1 hisobida mag‘lubiyatga uchratib, O‘zbekistonni muddatidan avval musobaqaning pley-off bosqichiga hamda 2025-yilning noyabr oyida o‘tadigan mundial yo‘llanmasiga ega chiqishni ta’minladi.
Ma’lumot uchun, o‘smirlar o‘rtasidagi Jahon chempionati 2025-yilning noyabr oyida Qatarda o‘tkaziladi. Musobaqa 3-noyabrda 27-noyabrga qadar davom etadi.
