Hindiston harbiy-dengiz kuchlari kelasi yilda Andxra—Pradesh shtatida yangi atom suv osti kemasi bazasini foydalanishga topshirishni rejalashtirmoqda. Bu haqda The Times of India ma’lum qildi.
Sharqiy dengiz qo‘mondonligining Visakxapatnamdagi shtab-kvartirasidan 50 kilometr janubda qurilgan bazada yadroviy suv osti kemalari joylashgan tunnellar tarmog‘i mavjud. Bu ularga Bengal ko‘rfaziga kirish imkonini beradi, chunki uni josuslik yo‘ldoshlari yordamida aniqlab bo‘lmaydi.
Varsha loyihasi bo‘yicha Rambilli bazasining birinchi bosqichi yakunlanmoqda. 2026-yilda foydalanishga topshirilgach, uni bosqichma-bosqich kengaytirish va modernizatsiya qilish mumkin, deyiladi xabarda.
Ta’kidlanishicha, Hindiston g‘arbiy qirg‘oq bo‘yidagi Karnataka shtatidagi Karvar bazasini ham bosqichma-bosqich yangilamoqda. Loyihaning joriy bosqichini amalga oshirish 32 ta yirik kemani joylashtirish imkonini beradi.
Ichki bandargoh tayyor. Tashqi qismda to‘lqin va to‘siqlarga qarshi ishlar davom etmoqda, deya ma’lum qilindi.
Kelgusida inshootni 50 ta kema va suv osti kemalari hamda 40 ta yordamchi kemalarni sig‘dirish uchun kengaytirish rejalashtirilgan.
Bu yil Hindiston 7000 tonna quvvatga ega uchinchi atom suv osti kemasi Aridhamanni ishga tushiradi.
Mamlakat o‘zining to‘rtinchi suv osti kemasini qurmoqda.
