Saudiya Arabistonining “An-Nassr” klubi va Portugaliya terma jamoasi hujumchisi Krishtianu Ronaldu o’zining jismoniy holatini saqlashga yordam beradigan taom nomini aytdi. Bu haqida Daily Mail nashri xabar berdi.
Ronaldu 40 yoshida ham ajoyib sport formasini saqlab turibdi. Bunda hujumchiga Portugaliyaning an’anaviy taomlaridan — bakalhau a bras yordam beradi. Ushbu taom tarkibida tuzlangan treska, piyoz, ingichka kesilgan kartoshka va tuxum kabi mahsulotlar bor.
Ronalduning o’zi ushbu taom haqida shunday deydi: “bu ovqat bolaligimni eslatadi va menga kuch beradi”.
Futbolchi qat’iy parhezga amal qiladi. U odatda shakar hamda spirtli ichimliklarni oz iste’mol qilib, chanqoqni qondirish uchun faqat suv ichadi.
Ma’lumot uchun, joriy mavsum Ronaldu “An-Nassr” tarkibida barcha musobaqalarda 33 ta o‘yinda qatnashib, 28 gol va 4 golli uzatma muallifiga aylandi. Uning klub bilan shartnomasi 2025-yil yozigacha amal qiladi. Transfermarkt portalida futbolchining narxi 12 million yevroga baholanmoqda.
