Dunyo bo‘yicha eng mazali oshxonaga ega shaxarlar top 20 taligi e’lon qilindi

Time Out nashri mahalliy aholi, oshpazlik tanqidchilari, muharrirlar va oshpazlarning fikrlariga asoslanib, eng yaxshi oshxonaga ega shaharlar ro‘yxatini tuzdi. Baholash taomlar sifati, mazasi, muassasalarning atmosferasi kabi 18 mezon bo‘yicha amalga oshirildi.

Birinchi o‘rinni Yangi Orlean egalladi. Gastronomik ekspertlar shaharning boy oshxona tarixini taʼkidlashdi, unga fransuz, ispan, vetnam, afrika va boshqa oshxonalar taʼsir ko‘rsatgan. Mintaqaning asosiy taomlari orasida kreol usulida pishirilgan krevetka, djambalayya, gumbo va qizil loviya bilan guruch ajralib turadi.

Reytingning ikkinchi pog‘onasini Bangkok egalladi — “zamonaviy restoranlardagi taomlar ajoyib mazali bo‘lishi mumkin, ammo neon chiroqlar ostidagi ko‘chadagi uch dollarlik taom ham undan kam emas”. Ayniqsa, tavsiya etilgan ro‘yxatda Hai Som Tam Konvent ko‘cha taomi ajralib turadi, u yashil papayya, chili qalampiri, yopishqoq guruch, qovurilgan tovuq bilan mashhur.

Uchinchi o‘rinda Medelin joylashgan bo‘lib, u yerda arzon narxda mazali taomlarni topish mumkin. Turizmga qiziquvchilarni mahalliy mevalarni, masalan, cherimoyya, gulupa va uchuvani, shuningdek, kasuelu va bandexa paysa kabi anʼanaviy qishloq taomlarini tatib ko‘rish uchun La Placita de Florez bozoriga borishni maslahat beriladi.

Dunyoning eng yaxshi gastronomik yo‘nalishlarining birinchi o‘ntaligiga shuningdek, Keyptaun, Madrid, Meksika, Lagos, Shanxay, Parij va Jakarta kiritilgan. To‘liq ro‘yxat quyida keltirilgan:

1. Yangi Orlean
2. Bangkok
3. Medelin
4. Keyptaun
5. Madrid
6. Meksika
7. Lagos
8. Shanxay
9. Parij
10. Jakarta
11. Marokash
12. Lima
13. Ar-Riyod
14. Mumbay
15. Abu-Dabi
16. Qohira
17. Portu
18. Monreal
19. Neapol
20. San-Xose