“Barselona” qanot hujumchisi Rafinya faoliyatini Angliya Premyer Ligasida davom ettirishi mumkin. Bu haqida El Nacional nashriga tayanib Championat.com xabar bermoqda.
Manbaning ma’lumotiga ko‘ra, 28 yoshli braziliyalik futbolchi ingliz klubida Muhammad Salohning o‘rnini egallashi mumkin, chunki misrlik futbolchining shartnomasi 2025-yil yozida yakunlanadi. Shu bois “mersisaydliklar” uning o‘rniga yangi futbolchi qidirmoqda. “Barselona” Rafinyani sotishga qarshi emas, lekin futbolchi uchun taxminan 100 million yevro talab qilmoqchi.
Ma’lumot uchun Rafinya joriy mavsum barcha musobaqalar doirasidagi 38 ta uchrashuvda qatnashib, 24 ta gol va 18 ta golli uzatmaga mualliflik qilgan. Transfermarkt portali uning narxni 80 million yevro baholamoqda.
