Turkiya rasmiylarining qaroridan so‘ng Anqaradagi Afg‘oniston elchixonasi o‘z faoliyatini to‘xtatdi. Bu haqda Turkiye Today xabar berdi.
Elchixona so‘nggi uch yarim yil davomida, “Tolibon” hokimiyatga qaytgunga qadar faoliyat yuritgan Afg‘oniston jamoasi bilan ishlayotgan edi. Endilikda elchixona yopilishini Turkiya hukumati qarori bilan izohlamoqda.
2021-yil 15-avgust voqealaridan so‘ng, “Tolibon”ning elchixonani nazoratga olishga bo‘lgan muvaffaqiyatsiz urinishi, ushbu elchixona diplomatlari, xodimlariga, shuningdek, Turkiya hukumatiga ham bosim o‘tkazilgani sababli (Turkiya) Tashqi ishlar vazirligi elchining respublikadagi missiyasi va ushbu elchixona diplomatlarining faoliyatini tugatishga qaror qildi, deyiladi elchixona bayonotida.
Turkiya tashqi ishlar vazirligi ham, afg‘on diplomatlari ham bu borada hech qanday bayonot bermagan. Elchixona qo‘riqchisi idora “Tolibon” rejimiga “mos kelmagani” uchun yopilayotganini ta’kidlagan. Elchixona Afg‘onistonda “xalq irodasiga asoslangan qonuniy hukumat yo‘qligi” sababli o‘z missiyasini tugatayotganini aytib, Turkiyaga “so‘nggi yillarda qo‘llab-quvvatlagani” uchun minnatdorlik bildirgan.
Turkiya “Tolibon” hokimiyatga qaytganiga qaramay, Kobulda o‘z elchixonasini, shuningdek, shimoldagi Mozori-Sharif shahrida va g‘arbdagi Hirotda konsulliklarini saqlab qoldi.
