Futbol bo‘yicha Italiya Kubogi chorak finalidan o‘rin olgan markaziy bahsda “Milan” “Roma”ni qabul qildi va 3:1 hisobida g‘alaba qozondi.
Uchrashuvda O‘zbekiston milliy jamoasi sardori Eldor Shomurodov dastlabki daqiqalardan maydonga tushdi va bir bo‘lim to‘liq harakat qildi. Ushbu davr mobaynida futbolchi 4 bor raqiblar darvozasiga zarba berdi. Ularning ikkitasi himoyachilar tomonidan qaytarildi, bir zarba darvozabon tomonidan bartaraf etildi yana biri esa aniq yetib bormadi.
Sofascore Shomurodovning o‘yinini 6,3 ballga loyiq ko‘rdi. “Roma” himoyachisi Ndika jamoa tarkibida eng past ball oldi — 6,1 ball. Asosiy tarkibda Eldorning hujumdagi sherigi Dibala 7,7 ball olgan.
Dubl qayt etgan “Milan” futbolchisi Abraham o‘yinning eng yaxshi futbolchisi deya e’tirof etilgan — 8,2 ball. Yana bir “Milan” futbolchisi Teo Ernandez ham eng yuqori (8,2) ball olgan.
Ma’lumot uchun, “Rossoneri” final yo‘llanmasi uchun “Inter” — “Latsio” juftligi g‘olibiga qarshi o‘ynaydi.
