Donald Tramp AQShning 47-prezidenti lavozimiga kirishdi. Qasamyod qilish uchun u Amerikaning 16-rahbari bo‘lgan Avraam Linkolnning Injilidan foydalangan.
“Amerikaning oltin asri ayni shu damdan boshlanadi, bugundan boshlab biz gullab-yashnay boshlaymiz va barcha mamlakatlar bizga hasad qiladi”, dedi Tramp.
Tramp an’anaga ko‘ra, prezidentlik vazifalarini vijdonan bajarishga va AQSH konstitutsiyasini himoya qilishga qasamyod qildi.
Shuningdek, Jeyms Devid Vens ham AQSH vitse-prezidenti lavozimiga kirishdi.
Inauguratsiya marosimi Kapitoliy binosida bo‘lib o‘tdi, unda Jo Bayden va sobiq vitse-prezident Kamala Harris ishtirok etdi. Shuningdek, tadbirga sobiq prezidentlar Barak Obama (2009-2017), Bill Klinton (1993-2001), kichik Jorj Bush (2001-2009), sobiq davlat kotibi Hillari Klinton tashrif buyurdi.
Izoh (0)