Futbol bo‘yicha Italiya Superkubogi yarim final bosqichi kecha 3-yanvar kuni bo‘lib o‘tdi. Unda “Milan” mamlakat kubogi sohibi “Yuventus”ni mag‘lub etib, final yo‘llanmasini qo‘lga kiritdi.
A Seriya vitse-chempioni hisoblangan “rossoneri” yangi bosh murabbiyi Serjui Konseysau boshqaruvida ilk o‘yinini g‘alaba bilan boshladi.
Riyoddagi “Kingdom Arena”da o‘tkazilgan o‘yinda dastlab 21-daqiqada “Yuventus” futbolchisi Kenan Yildiz hisobni ochdi. Biroq ikkinchi bo‘limda Kristian Pulishich penaltidan gol urib, muvozanatni tikladi. Oradan ko‘p o‘tmay, Gatti avtogol muallifiga aylanib, “Milan”ning muhim g‘alabasiga hissa qo‘shdi.
Endi “Milan” 6-yanvar kuni finalda shahardoshi, so‘nggi uch yilning amaldagi chempioni “Inter” bilan kuch sinashadi.
Italiya Superkubogi
Yarim final
3-yanvar, juma
“Yuventus” — “Milan” 1:2
Gollar: 1:0 — Yildiz (21), 1:1 — Pulishich (71, penalti), 1:2 — Gatti (76, avtogol).
“Yuventus”: Di Gregorio, Kalulu, Gatti, Savona, Makkenni (Vea, 86), Tyuram (Duglas Luis, 79), Lokatelli (Fajoli, 86), Kopmeyners, Mbangula (Kambiyazo, 65), Yildiz, Vlahovich (Gonsales, 65).
“Milan”: Menyan, Teo, Tiav, Tomori, Emerson (Gabbiya, 82), Reynders, Fofana, Binnosir (Musa, 54), Ximenes (Abraham, 61), Morata (Terrachchano, 82), Pulishich.
