Og‘ir vazn toifasidagi sobiq UFC chempioni Frensis Ngannu, boks bo‘yicha og‘ir vazn toifasidagi sobiq Jahon chempioni britaniyalik Tayson Fyuri va WBC, WBA hamda WBO yo‘nalishlari bo‘yicha amaldagi jahon chempioni Oleksandr Usik o‘rtasidagi revansh jangidan so‘ng Fyuriga chaqiriq tashladi.
“Endi men shuni xohlayman: hamma Tayson Fyuri va Frensis Ngannu o‘rtasidagi jangni ko‘rsin. Bugungi kunda boksda men uchun faqat shu jang muhim”, deya Ngannu so‘zlarini keltirdi MMAinsight nashri.
Ma’lumot uchun, Fyuri va Ngannu o‘rtasidagi ilk jang 2023-yil oktabr oyida bo‘lib o‘tgan va o‘sha jangda Fyuri jang davomida nokdaunga uchraganiga qaramay, hakamlarning ajralgan qarori bilan g‘alaba qozongan edi.
Tayson Fyuri va Oleksandr Usik o‘rtasidagi revansh jangida ikkinchi bor ukrainalik bokschining qo‘li baland keldi.
